978-84-9782-112-4 Título
 Xoaquín Lorenzo "vida e obra"  
Autores Valcárcel, Marcos           
Editorial Edicións Xerais de Galicia, S.A.  Nº edición  1  Año  Mar/2004
Colección  Biblioteca das letras galegas  Nº colección  0  Páginas  100 
 
Materias



 Galego


 Encuadernación  Rústica 
Largo  24  Ancho  17 
Idioma  Galego 
Estado
 Sin stock, podemos pedirlo
Sin stock, podemos pedirlo		   P.V.P. 
 		    10,25
 
 
Reseña del libro
Xoaquín Lorenzo Fernández (Ourense, 1907–Lobeira, 1989) foi unha das figuras máis destacadas da xeración do Seminario de Estudos Galegos e do núcleo histórico do galeguismo ourensán. Compañeiro de figuras como Otero Pedrayo, Vicente Risco, Florentino Cuevillas ou Xesús Ferro Couselo constituíu o último carballo da touza vizosa dunha xeración que tivo a Galicia como o seu único guieiro. Etnógrafo, arqueólogo, historiador, profesor, fotógrafo, debuxante, fundador do Museo do Pobo Galego, membro da Real Academia Galega, Xoaquín Lorenzo percorreu infatigablemente os camiños, vales e castros de Galicia procurando atopar a auténtica alma popular galega. Autor dun xigantesco esforzo pioneiro de síntese descritiva dos aspectos tecno-económicos da nosa cultura tradicional e da fala e literatura popular, recollidos en cento vinte e tres traballos monográficos e no seu amplo estudo sobre a Cultura Material editado no segundo volume da "Historia de Galiza" dirixida por Otero Pedrayo, a figura de Xoaquín Lorenzo é indispensable para entender o saber popular labrego e mariñeiro á piques de esmorecer diante das transformacións sociais producidas na segunda metade so século XX.O presente volume, "Xoaquín Lorenzo. Vida e obra", preparado por Marcos Valcárcel, constitúe unha achega, á vez divulgativa e rigorosa, sobre o percorrido biográfico e a obra dunha personalidade, homenaxeda no Día das Letras Galegas de 2004, que tivo por oficio o soño de descubrir as raíces máis fondas de Galicia. 
 
Bio-bibliografía del autor
Marcos Valcárcel (Ourense, 1958), doutor en Historia Contemporánea, é catedrático de Lingua e Literatura Galegas. O seu traballo de investigación céntrase na historia política dos anos 1900-1936 e no galeguismo. Os seus libros abordan o es-tudio da prensa, os grandes personaxes da cultura galega ligados a Ourense e a historia cultural da cidade: “A prensa en Ourense e a súa provincia. Catalogación e estudio” (1987); “Ramón Otero Pedrayo. Vida, obra e pensamento” (1988); “A cidade da xeración Nós” (1996); “Pé das Burgas. Estudios de historia, literatura e xornalismo” (1998); “Ourense, a gran cidade literaria” en “A memoria de Ourense” (1999); a escolma poética “Ourense, craro río, verde sol. A cidade na voz dos seus poetas” (2001); a recolleita xornalística “Carlos Casares, punto de encontro” (2002); e as biografías “Xoaquín Lorenzo. Vida e obra” (Xerais 2004) e “Xoaquín Lorenzo” (Xerais, colección Merlín, 2004). Tamén participou no “Diccionario de Literatura Galega” (1997, 2000) e en “Galicia. Literatura” e colabora diariamente nos xornais “La Región” e “Galicia Hoxe”.