| Un dos problemas centrais da economía da Galicia contemporánea é o déficit de industrialización. A incapacidade para xerar unha base productiva secundaria sólida está detrás da enxurrada migratoria, así como do permanente atraso nos índices de benestar ou renda en relación co noso entorno próximo. Esta fasquía diferencial da nosa economía agudízase nos decenios posteriores á segunda guerra mundial, e non se corrixe -pese ó crecemento experimentado- nos anos expansivos no ámbito español que seguen ó Plan de Estabilización de 1959.Este libro pretende avaliar os efectos dos investimentos protagonizados polas empresas transnacionais en Galicia, con especial atención ós últimos trinta anos. O resultado é paradóxico. Por unha parte non pode negarse a destacada contribución das empresas participadas polo exterior á producción industrial. Por outra, non debe esquecerseque no período 1960-1990 se produce unha entrada sostida e relevante de capitais exteriores na economía española.A baixa participación galega neste fenómeno afonda a súa condición periférica no ámbito industrial. |
