| Esta retranqueira historia sobre as diferenzas, a tolerancia e as identidades recórdanos que o máis importante da vida é o amorA señora Bartolotti ten sona de excéntrica: confecciona alfombras artesás, vai vestida e maquillada de mil cores, cítase co boticario Egon dúas veces por semana e é adicta a comprar por correo. Un día recibe por mensaxaría un enorme bote de conserva... e del sáelle un fillo repentino, Konrad, o neno de sete anos máis modélico, formaliño e ben guiado do mundo. Son o día e noite, pero Konrad e a señora Bartolotti quérense desde o principio. Por iso toman medidas extraordinarias para seguir xuntos cando uns estraños homes vestidos de celeste ameazan con separalos... |
