| Desde Niza, xa na ruína da súa vellez case centenaria, Carolina Otero, La Belle Otero, bota unha ollada atrás e lembra os episodios máis significativos da súa vida.Velaquí o relato novelado da vida de Carolina Otero, a galega que triunfou nos escenarios de París cando esta era a capital cultural do mundo. A artista de Valga lembra a súa infancia en Galicia, dos azarosos episodios do itinerario (Lisboa, Barcelona, Madrid) que precederon a súa chegada a París, sempre perseguindo o seu soño imposible, a súa auténtica paixón: converterse nunha afamada cantante de ópera. |
