| As Meigas Chuchonas -unha caste de vampiresas- existen e podémolas atopar camufladas nos lugares máis insospeitados, mesmo de directoras dunha escola, como a pérfida e malvada Marta Matapitos: de boa presencia, vestida á última e ó tanto dos avances da tecnoloxía, navega por Internet coma unha anguía. Pero Moncho o conserxe, a profe Casilda e os seus alumnos de Infantil, non lle van permitir que leve a cabo os seus perversos plans. Aventuras, acción, risas e penas agárdanche entre as páxinas desta historia. |
