Premio Táboada Chivite. Concello de Verín 1998O estudo de conxunto máis completo e amplo realizado sobre os oficios na sociedade tradicional galega.A principal novidade que achega este libro de Xosé Antonio Fidalgo Santamariña, á parte do seu carácter practicamente exhaustivo, radica na súa consideración non só tecnolóxica, senón tamén cultural e simbólica do mundo da pluriactividade tradicional. Ademais dun inventario descritivo e contextualizado dos principais saberes e habilidades, o libro inclúe tres traballos de campo sobre os afiadores ourensáns, os alambiqueiros de Sober e os seitureiros, complementándose cun estudio das linguaxes especiais ou xergas dos oficios. |