978-84-9914-920-2 Título
Por que as sombras non teñen ollos  
Autores García Mañá, Luis Manuel           
Editorial Edicións Xerais de Galicia, S.A.  Nº edición  Año  Oct/2015
Colección    Nº colección    Páginas  168 
 
Materias



Narrativa galega


Encuadernación  Rústica 
Largo  220  Ancho  145 
Idioma  Galego 
Estado
Sin stock, podemos pedirlo
Sin stock, podemos pedirlo
  P.V.P. 
 
   20,50
 
 
Reseña del libro
O 22 de febreiro de 1944 un bombardeiro Hudson da Royal Air Force estrelouse na Serra de Pena, á altura do marco número 125 da fronteira con Portugal, entre o concello galego de Calvos de Randín e a vila portuguesa de Montealegre. Un contrabandista será a primeira persoa en chegar ao escenario do accidente, onde de entre os seis corpos carbonizados ripará unha pistola e unha carteira na que atopará a fotografía dunha moza, unha carta remitida desde Canadá e tres follas manuscritas, material que agochará na casa dun familiar. O mesmo día, na embaixada do Reino Unido en Madrid recibíronse instrucións encriptadas para que o persoal diplomático do consulado de Vigo recuperase os efectos persoais e restos documentais atopados no lugar do sinistro. Coa chegada a Montealegre dunha profesora finlandesa de historia, colaboradora do servizo de intelixencia alemán, comezará neste territorio da Raia Seca galego-barroso unha batalla de espías na procura destes documentos que será decisiva para o desenlace da Segunda Guerra Mundial. Nesta orixinalísima novela de misterio e espionaxe, historicamente moi documentada, García Mañá consolida a súa mestría como narrador de intriga e promotor do espazo literario arraiano. 
 
Bio-bibliografía del autor
Luís Manuel García Mañá (Ourense, 1950), licenciado en Dereito, exerce na actualidade a responsabilidade de Comisario Xefe de Policía de Galicia. Membro numerario do Instituto de Estudios Vigueses, da Fundación Premios da Crítica Galicia, a súa produción editorial como ensaísta tense centrado en temas relacionados coa historia e o dereito: ``De los corregidores a los gobernadores civiles de Ourense´´ (1986), ``La frontera hispano-lusa en la provincia de Ourense´´ (1988), ``Miño: ¿Existiu unha fronteira?´´ (1993). Quizais a súa contribución máis salientable á historiografía galega sexa o rescate da institución do Couto Mixto, pequena república que existiu entre Galicia e Tras-os-Montes ata o tratado de Lisboa de 1864, recollida no seu libro ``O Couto Mixto, unha república esquecida´´ (Xerais 2005).Como narrador publicou tres novelas: ``O lume de Santo Antón´´ (Xerais, 1997), traducida ao castelán por Alianza editorial (2002); ``As plumas do moucho´´ (1999) e ``Menino morreu´´ (Xerais, 2003).