978-84-9914-781-9 Título
 Conduce rápido  
Autores Ameixeiras Novelle, Diego           
Editorial Edicións Xerais de Galicia, S.A.  Nº edición  1  Año  Oct/2014
Colección  Narrativa  Nº colección  365  Páginas  152 
 
Materias



 Narrativa galega


 Encuadernación  Rústica 
Largo  22  Ancho  15 
Idioma  Galego 
Estado
 Sin stock, podemos pedirlo
Sin stock, podemos pedirlo		   P.V.P. 
 		    19,50
 
 
Reseña del libro
Tras fuxir mangada coa cámara fotográfica que lle roubou na Quintana a unha parella de turistas, Erika caeu a rolos polas escaleiras de Praterías e procurou sandar as súas feridas na casa dunha amiga. Samuel, o seu irmán, co que convive nun piso do barrio de Vite, procura nas rúas compostelás unha oportunidade definitiva que os saque de vez daquela merda de vida. A aparición dun paquete levará a que as vidas dos irmáns se crucen coas de Ventura, un mozo que fachendea de dedicarse a resolverlle problemas á xente, tanto os sinxelos coma os complicados, apenas un eufemismo para agochar que forma parte dunha banda dedicada ao branqueo e préstamo de cartos. Na liña de novelas anteriores como Dime algo sucio, Historias de Oregón, Todo OK, e Matarte lentamente, Ameixeiras profundiza en Conduce rápido na súa liña de modernización radical do xénero negro, baseada na brevidade, dosificación da información, tramas cruzadas e máxima economía expresiva. Coa precisión dun cirurxián ofrece un extraordinario retrato de vidas precarias que deambulan polo decorado da Compostela de hoxe. 
 
Bio-bibliografía del autor
Diego Ameixeiras (Lausanne, Suíza, 1976) estudou xornalismo e traballa habitualmente como guionista de cine e televisión. Tras pasar por diversos medios de comunicación, escribe para varias series emitidas por TVG (Terra de Miranda, Os Atlánticos, Matalobos) e é coguionista das longametraxes 18 comidas (Jorge Coira, 2010) e La mujer del Eternauta (Adán Aliaga, 2011). Cultivador do xénero negro, publicou as novelas Baixo mínimos (Xerais, 2004), O cidadán do mes (Xerais, 2006), Tres segundos de memoria, Premio Xerais de Novela (2006), Dime algo sucio (Xerais, 2009), Premio Especial da Dirección da Semana Negra de Xixón, Asasinato no Consello Nacional (Xerais, 2010), Premio Irmandade do Libro ao Mellor Libro do Ano, e Historias de Oregón (2011), Premio de Novela por Entregas de La Voz de Galicia.