| Antonio Reigosa (Antonio Reigosa Careiras) (Zoñán, Mondoñedo 1958) traballa como guía no Museo Provincial de Lugo. Cofundador de Chaira, grupo de Investigación Etnográfica, ten participado en proxectos de investigación sobre literatura oral. Tamén é coautor xunto con Xosé Miranda e Xoán Ramiro Cuba do Diccionario dos seres míticos galegos (Xerais 1998) e dos vinte volumes dos contos da colección Cabalo Buligán (Xerais 1998-2003) recollidos da tradición oral. Así mesmo é co-autor dos volumes Contos colorados. Narracións eróticas da tradición oral galega (Xerais 2001), Pequena mitoloxía de Galicia (Xerais 2001), Cando os animais falaban (Xerais 2002), Arrepíos e outros medos (Xerais 2004), e Antoloxía do conto galego de tradición oral (2002). Como autor de literatura infantil publicou: Memorias dun raposo (Xerais 1998), novela, Premio Merlín; Resalgario (Xerais 2001), novela, Premio Raíña Lupa de literatura infantil 2000; e "Aire de sumidoiro", conto incluído en Contos para levar no peto (Xerais 2001), “Bacoriño” (2004). |
 |
