| Víctor F. Freixanes (Víctor Fernández Freixanes) (Pontevedra, 1951). Doutor en Filoloxía Románica. Profesor da Facultade de Ciencias da Información da Universidade de Santiago. Membro da Real Academia Galega e do Consello da Cultura Galega. Director de editorial Galaxia. Xornalista. Colaborador literario de La Voz de Galicia. Os seus primeiros libros foron escritos dende o xornalismo: Unha ducia de galegos (1976), entrevistas; Manuel González Fresco. Memorias dun fuxido (Xerais 1980), finalista do Premio Internacional de Prensa de Niza. Como narrador, ten publicado: "A caza das cascudas" (1979), relato gañador do Premio Pedrón de Ouro; O triángulo inscrito na circunferencia (1982), Premio Blanco Amor de novela (1981), Premios da Crítica Galega e Española; O enxoval da noiva (1988), novela: A cidade dos Césares (Xerais 1993, 2002), novela, Premio de Narrativa Torrente Ballester 1992. Foi o director da obra ensaística-divulgativa Galicia. Unha luz no Atlántico (Xerais 2001). |
 |
