978-84-7680-648-7 Título
 Humor gráfico galego "da transición ao século XXI"  
Autores Pascual Carballo, Alberto           
Editorial Ir Indo Edicions, S.A.  Nº edición  1  Año  Jun/2009
Colección    Nº colección    Páginas  488 
 
Materias



 Cómics


 Encuadernación  Rústica 
Largo  30  Ancho  21 
Idioma  Castellano 
Estado
 Sin stock, podemos pedirlo
Sin stock, podemos pedirlo		   P.V.P. 
 		    62,40
 
 
Reseña del libro
 
 
Bio-bibliografía del autor
ALBERTO PASCUAL CARBALLO naceu, sen darse conta, en Maceda (Ourense), cando o dominó lle puña o catro dobre no calendario de 1900. De cativo, facendo migas co latín, o crego do lugar tentou envialo a Roma, co gallo de ofrecelo á Igrexa e que volvese bispo. Pero, sen cartos, conformáronse con que principiase humanidades no convento; seguiu logo con filosofía e teoloxía, en Madrid e Salamanca, pero non aceptou ordenarse cura. Sabía, daquela, que xa lle tiñan reservada a mellor rúa da vila ó que sería S.E.Rvma. o cardeal Quiroga Palacios.
De civil, principiou a traballar/estudar Filoloxía en Salamanca, onde -na praza maior- aínda lle quedan colegas dando voltas ó recinto. Ó tempo, decatándose os militares de que rompera con Roma, chamárono a filas, aquilo do servizo militar obrigatorio. Antes de que o declarasen formalmente desertor, entregouse adoecido ó servizo raso das armas co Apóstolo en Santiago. De paso, rematou a licenciatura no exército e na Filoloxía Románica.
Ó parvo, e posto á faena, fíxose avogado, coa idea de que non habería dona máis belida cá Xustiza. Pero, un vello amigo xa o tiña adoutrinado sobre os principios que rexen a materia, que non son outros que os do olimpismo: “o importante non é gañar, senón participar”, pero a xente non o sabe. Acadou a titulación de Xerente de Hospitais, sendo membro, dende o inicio, da Asociación Española de Administración Hospitalaria. Na actualidade é director da centenaria Escola provincial de Artes e Oficios, da Deputación de Ourense.
Colabora en prensa, segundo e como, normalmente con textos e debuxos (La Región, A Peneira, La Voz de Galicia, firmando como Bertho). Ten publicados algúns libros: Más de cien años en la historia de Ourense. Escuela Provincial de Artes y Oficios (Ed. Deputación, Ourense, 1996); Cascallos cotiáns e líricas breves (Ed. Deputación, Ourense, 1998); Faragullas e líricas do solpor (Ed. Deputación, Ourense, 1999); A Uva Acedohíbrida de Forxán ou do Humor Gráfico Galego, (Ed. Deputación, Ourense, 2002); Corral Díaz, pintor, (Ed. Deputación, Ourense, 2004); Dos avogados e da xustiza, no sentir popular (ed. Colexio de Avogados de Ourense, 2004). Colaborou no libro do Centenario do Instituto Otero Pedrayo (Ed. Dirección Xeral de Política Lingüística, da Xunta, Ourense, 2000) e tamén en Un universo literario en cien miradas (Ed. Agrupación de Libreiros de Ourense, Ourense, 2002). Outros traballos, elaborados nestes últimos anos, como “Derechos del usuario en la Ley General de Sanidad y aspectos de responsabilidad en la relación enfermo-profesional de la salud”, “Doctrina jurídica sobre el Personal Estatutario”, ou “O humor gráfico galego”, que dormen inéditos a sesta bruxa da princesa, á espera do prometido bico editorial dun diaño azul-queimada.