| A parroquia global non é un texto serio senón unha sucesión de disparates con carga de profundidade (en galego, "retranca"). En realidade, relata a historia vivida por un paisano globalizado, que vai dando saltos e tombos polo tempo e o espazo - como se vivira noutra dimensión -. O noso paisano Roquiño ("o das láxeras") non entende nada pero sempre sae con ben de todas as liortas á galega, coma se non fose con el o conto. Porque como din en China: "O verdadeiro heroe é o que esquiva os estadullazos". |
