| A campá da lúa de Helena Villar Janeiro é un poemario para nenos e nenas de sete anos en diante, nun libro delicadamente ilustrado por Ánxeles Ferrer. Helena Villar Janeiro, autora dunha extensa obra para os lectores máis novos, xoga neste libro con elementos senlleiros do mundo infantil: a lúa, como unha campá de prata de gata, de vento e cristal; unha princesa triste que leva na man un paniño de encaixe para chorar; un gato que na xanela lle canta á curuxa coplas de amor; o país encantado onde había un loro verde e un boticario; a casiño do anano; os trens que teñen gravata e sombreiro de fume. |
